قصيدة لما جيت اكتب عن امي،
زوارنا الاعزاء على موقع ادعمني دوت كوم نعمل علي راحتكم وافادتكم في جميع الأسئلة والمعلومات وتقديم الحل الصحيح،
قصيدة لما جيت اكتب عن امي :
ألقت الطالبة رحمة أبو النصر ابنه الـ17 عام الطالبة بمدرسة الجعفرية الثانوية التجارية قصيدة “لما جيت اكتب عن أمي” للشاعر عبد الله حسن في الاحتفالية التي نظمتها مديرية الشباب والرياضة بالغربية للإحتفال بعيد الام.
ونالت القصيدة استحسان الحضور لأداء الطالبة المتميز في الإلقاء.
وكانت كلمات القصيدة:
لما جيت اكتب عن امي
قولت عنها شايله همي
قولت دي بتجري فـ دمي
قولت ياما حجات كتير مش جديدة
لما جيت اكتب عن امي
عجزة قدامي القصيدة
شايله سري
كان زمان بيني وبينها حبل صري
اتقطع يوم الولادة
واتوصل حبل الواداد
حب متحولش عادة من كلام رب العباد
حبها اصلا عبادة
فـ التعب كانت بتسأل
جيه مؤنث جيه مذكر
جيه بيضحك جيه مكشر
جيه على الدنيا بسلامة
وقتها مكنتش بفكر
كنت ببكي وكانت بتحضن بابتسامة
وقتها مكنتش بفكر
ده الضنا جيه مـ الضنى
لما جيت اكتب عن امي لاقتني بكتب عني انا
لما جيت اكتب عن امي عجزة قدامي الحروف
قام ال (أ) زعق وقف
قالي ما تفهم يا ولا
ده انا مشترك ف اسم من لا شريك له
واول الاسم الـ(أ) واول الام الـ(أ) ودي مش صدف
ربك بيخلق مـ العدم خلق الألم وهنا علي وهن
شالتني لحد ما بلغت الحلم
وياما بتدلع عليها وياما بتمنع عليها
وياما حوطتني بجنحها وياما دمعت ف عنيها
ومن ايديا تاتا تاتا
ورجلي داست ع البلاطة
وداس عليها عجل زمنا وكانت بتحضني ببساطة
ولما كانت بتعب كانت تطبطب كانت تجيبلي الشوكلاتة
كبرت فجأة
لاقتني بزهق من كلمها عن السجاير
عن العيال اللي مصحبهم
عن الدراسة
خش ذاكر
اجي اتدلع تقولي ده انت راجل
ده اللي قدك دخلوا دنيا
بص يا ابني
خلي بالك دي السنين زي الكلونيا
تحطها بتطير بسرعة
متلاقيش لهواها ريحة
السنين بجحة وصريحة
امي مبتعرفش تجرح
بس ياما باتت جريحة
لما جت وقفت قصادي
قلتلي انت امتدادي
انت نور عيني اللي شبهي
انت دونان عن ولادي
وقتها انا كنت غاوي للغناوي
كنت اسيبها قاعدة وانزل اترمي ف حضن القهاوي
هي دي احلي عيشة
هاتلي نار علي فحم شيشية
هاتلي طولة
امي دي فكراني طيشة
لا ده انا راجل بشنبي
بصوا دقني
واما جالي الحزن دقني
والزمان خد مني خانة
الدوا اللي عندي امي
مش لاقيه ف الاجزخانة
كل ليلة كنت برجع
والدعاة صالبلي ضهري
والتعب فارد طريقي
والسنين بتقولي اجري
فـ الزمن عمال بسابق
بلتقي بحضن بفارق
زحمت الدنيا خدتني
مفتكرهاش الا لما بس الاقي الاكل حادق
انت فين مش عارف اكل
اقعدي جمبي تعالي
اسمعي اخر المهازل
مرة واحد حب ينجح قاله عنه لا ده فاشل
مرة واحد حب واحدة
بس سبها لانه عاطل
قاله عني اني شبهك
قاله واخد شكل شعرك
ضعف نظرك
والسنان البايظة منك
ياما جرحوني يا امي وبدعاكي جات سليمة
هما لما يقولو عني ابن امي دي شتيمة
كملي جميلك يا امي وبعد عمر طويل اووووي
روحي للرحمن قوليله ان ابني بيحبني اوووي
ياما زعلني وسمحته
ياما زعقلي وكان يكفيني بس اشم ريحته
كان بينسي يقولي شكرا وانا بديه من حياتي
بس انا وانت اللي عالم كنت بدعيله يوماتي
ربنا يهديه يسمحه
كان كتير يصعب عليا لما اشوف ف عيونه جرحه
مهما يعمل
لسه ابني اللي كان ف اللفة خايف
مهما ينطق لسه سامعة ماما من اصغر شفايف
كملي جميلك يا امي
وروحي للرحمن قوليله
هو ابني امتدادي
هو نور عيني اللي شبهي
واما جيت اكتب عن امي
برضه كل كلامي عادي