تصريحات والد حسام حبيب بشأن التسجيل الصوتي المنسوب إليه بشأن استغلال شيرين
نفى حسين حبيب والد المطرب حسام حبيب ما نسب إليه من تسجيل صوتي تطرق إلى خطة نجله للانفصال عن "شيرين" بعد حصوله على ثروتها المالية.
وأكد والد المطرب ، في تصريحات ، أن ما ورد في التسجيل ليس صوته.
تداول رواد موقع التواصل الاجتماعي مقطعًا صوتيًا قيل إنه يخص والد المطرب حسام حبيب زوج الفنانة شيرين عبد الوهاب ، أثناء حديثه مع فتاة تريد الزواج من ابنه ، موضحًا خطة نجله للانفصال عن "شيرين" بعد حصوله على ثروتها المالية.
وجاء في التسجيل الصوتي: "ابني حسام يتحكم في جميع حسابات شيرين عبد الوهاب ويسحب كل ما يريده من أموالها ، وكذلك حسام ووالدته مبيحبوش شيرين ، لأنها أيضًا أرادت الطلاق منه".
وأضاف: "حسام متزوج منها وبيشتغل معاها مدير أعمالها من المفروض بقى أنه يكون له نسبة من الأرباح مثل نسبة مدير أعمالها القديم ياسر خليل، أنا عارف حسام ابني دماغه سم وهو ذكي جدًا ومش سهل، فأكيد هو في دماغه حاجه ومأمن بنفسه جدا، وشيرين عامله لحسام توكيل بدليل أنه معاه الفيزا بتاعتها وبيقدر يسحب من حسابها، وعارف الرقم السري، بس هو بيروح يسحب الفلوس اللى هو عايزها بس".
وتحدث عن علاقة الكراهية بين شيرين عبد الوهاب وعائلتها وخاصة والدتها حيث قال: "إيمان أم حسام مش بتحب شيرين، إيمان تنكة، وعاملة زي المليونير لما يفلس هي صرفت الفلوس اللي أبوها سابهالها وصرفت فلوس حسام، شيرين عايزة تقولها بتتنكي على إيه يا روح أمك ده أنا عزماكي وهتسافري على حسابي والفندق على حسابي".
وتابع: "حسام قالها ما يصحش انتي كده بتطردي أمي وبتطردي أختي، قالت له بقولك ايه انا مش طايقاهم ولا طايقاك انت كمان، قالها طيب انا مسافر، قالتله في ستين داهية وطلقني قبل ما تمشي، المهم سافر خد أمه واخته وجه، لقيت شيرين بتطلبني وبتقولي عايزة أطلق لو سمحت خليه يطلقني، عملنا عليها تمثيلية بقى إن انا جبت المأذون وأنه كتب خلاص الطلاق بس انا قولتله استنى شوية لحد بس شيرين ما تهدى عشان لما تاخد القرار تاخده وهي هادية، قومنا كام يوم كده وصالحناهم على بعض وخلاص، إيمان مش بتحبها عشان شيرين بلدي، هي أصلا إيمان جدودها من تركيا ومن النمسا، وحسام تعليمه أجنبي لكن شيرين ماعرفش واخدة ايه، دبلوم صنايع ولا مش دارسة مش عارف".
وكشف عن رغبة ابنه في الزواج من امرأة أخرى لإنجاب الأطفال ، قائلاً: "نفسي يبقى عندي حفيد، أنا باحب الأطفال جدا بالذات لما يبقى حفيدي، وبعدين نفسي أجيب عيل أنا نفسي أخلف أنا كمان، ليه حسام ميتجوزش بالسر مثلا، أنا فكرت في خطة حلوة أوي، أنا هقوله يجي يتجوز ويخلي مراته عندي، وميقولش لشيرين ويبقى يجي ينام معاها هنا عندي، هو ساعات بيروح ينام عند أمه في الرحاب في التجمع، المهم مرات حسام تقعد معايا هنا، وحسام يبقى رايح جاي من غير ما يقول لشيرين.. لما تحمل وتخلف ويبقي عنده عيل فرحان كده بيه عايز يقولها يقولها ميقولهاش هو حر، هو مقتنع بكلامي وهو قالها إنه هيتجوز عشان عايز يخلف".
وأضاف: "أنا شايف إن شيرين قضت على حسام، يعني من ساعة ما حسام عرفها مش داريان بنفسه، لا نزل أغنية ولا اشترك في فيلم ولا مسلسل، يعني هي سحبت كل وقته وخدت نجوميته وضافتها على نجوميتها هي، هي داست عليه وطلعت على حسابه هو".
وأكد أن شيرين عبد الوهاب لا تستطيع الإنجاب حاليًا وتخضع للعلاج ، وقال: "حتى لو مبتخلفش، واحدة خلاص عندها 39 سنة وقربت على الـ ٤٠ احتمال الخلف عندها ضعيف وهما بقالهم سنتين اهو مخلفوش ليه، هي سافرت أمريكا بس ما قالوش عملوا إيه في أمريكا، كانت بتعمل رعاية صحية بتعمل تحاليل وبتكشف وبتعمل استشفاء في أمريكا أو بيسموها check up بتطمن على نفسها، وهو عمل كمان فحوصات عشان يشوف نفسه، الخلفة كويسة والذكورة وكده، طبيعي هو طبيعي، الحيوانات المنوية مظبوطة وسليمة، وزي الفل، هو يقدر يخلف".
وتابع: "مش عارف هل هو بيحبها بجد فعلا زي ما بيقول كده ولا هو ذكي وعارف إن هي شخصية متقلبة وممكن في أي وقت تطلب الطلاق وكده، هي شخصية ملولة جدا بتمل الدنيا ونفسها وولادها، بتمل ملولة أوي، عندها جنون الفنانين ده فاهمة، أنا من مصلحته يتجوز بنت صغيرة تخلف له وجميلة وعندها طموح ".
واستعاد الوضع الذي أغضب ابنه ، وقال: "حصللي قبل كده موقف كان سخيف جدا، واحدة عملت نفسها من فرنسا وهي أصلا من تونس ولا معرفش منين، واتكلمنا مع بعض واتصورنا وبتاع، وراحت خدت سكرين شوت وبعتته لحسام، حسام خاصمني فيها ست شهور، طبعا هي كانت بتستفزني بكلام وسخ عملت إيه وشيرين ايه، وانا زي الأهبل عمال أقول أي كلام، وهي بتستدرجني لأن هي عايزة تسجل ده وتبعته وتبتزه يعني، بس شيرين طلعت جدعة قالتله قولها ده راجل وانشري اللي عايزه تنشريه ولا يهمنا، لكن انتي معروف إن انتوا عصابات، وكلمتني قالتلي ولا يهمك يا بابا واوعى تزعل، ما كل الرجالة كده وكل الرجالة بتهيس، وبقت تكلمني وتقولي إنت ابونا، انت يا بابا اعمل اللي انت عايز تعمله.. إوعى تفتكر إن الكلام اللي سمعته عنك ده زعلني منك أو كده لا أبدا ده عادي يعني وبيحصل، أنا عارفة إنها كانت لحظة ضعف وهي استغلتها ووقعتك فيها ".