أول تعليق لحسن شاكوش على تصريحات هاني شاكر منعه نهائيا من الغناء
علق مطرب المهرجان حسن شاكوش على قرار نقيب المهن الموسيقية الفنان هاني شاكر بإيقافه وسحب رخصة غنائه نهائيا.
وقال "شاكوش" في اتصال هاتفي مع الإعلامي عمرو أديب في برنامج "الحكاية" المذاع على قناة "ام بي سي مصر" الفضائية مساء الاثنين: "لغاية آخر لحظة محترم قرار النقابة، أنا مشوفتش القرار، الناس اللي قالولي، والشغلانة دي هي أكل عيشي، هو قال بناقص حسن شاكوش؟ أستاذ هاني شاكر يقول اللي هو عايزه".
وتابع: "أنا دلوقتي اقدر اشتغل برا مصر بس، دي أول غلطة ليا، حاولت اتصل بكذا حد في النقابة عشان نحل.. أنا مينفعش ابقى بشتغل برا مصر ومش عارف اشتغل في بلدي ".
وأضاف: "دلوقتي بسجل أغاني انزلها الفترة الجاية، بس الواحد ملوش نفس، أنا اتصالحت أنا ورضا هو أخويا ومفيش أي مشاكل".
وعلق نقيب المهن الموسيقية الفنان هاني شاكر ، أمس ، على إمكانية عودة مطرب المهرجانات حسن شاكوش للغناء مرة أخرى ، بعد أن توقفه من قبل النقابة بسبب مشكلته مع رضا البحراوي قبل شهرين قائلًا: "ما فعله شاكوش شيء خطير، لأنه أدى الغناء بكلمات إباحية، والفن ليس بحاجة إلى هذا النوع الغريب من الغناء".
وأضاف خلال لقائه ببرنامج "et بالعربي": "الغلط اللي غلطه ده أنا وكل المجلس معايا سحبنا ترخيصه تماماً دون رجعة، بناقص حسن شاكوش".
وتابع "أطلع أغني غنوة إباحية على المسرح، وأغلط في فئة مهمة في الموسيقى العربية، الطبالين ولادنا وإخواتنا، المثل موجود أنا عارف، لكن يطلع يقوله على المسرح ويبقى قاصد الإهانة هذا لا يجوز".
يذكر أن نقابة المهن الموسيقية أصدرت قرارا بحق مطرب المهرجانات حسن شاكوش بإلغاء تصريح غنائه لأجل غير مسمى.