ماذا تضمن أول اعتذار من صاحب السخرية من إذاعة القرآن الكريم
محمد أشرف صاحب الفيديو المتداول الذي ظهر فيه يقلد مذيع إذاعة القرآن الكريم في "تلفزيون اليوم السابع" ويرسل رسالة للدكتورة هاجر سعد الدين المحرر السابق لإذاعة القرآن الكريم قائل"أنا من محبيها ومن محبى الإذاعة وكل اللى حصل إنى قلدت البرومو بتاع البرامج والمقدمين ومذكرتش أى حد بأى سوء".
وأضاف "أنا مقدرش أذكر دكتورة هاجر بأى سوء لأنى فعلًا بحبها وبتابع برامجها من زمان وأنا عيل صغير، ومن صغير وأنا بقلدهم لوالدتي".
وتابع: "فيه ناس بتقلد لاعبين كورة وبتقلد عمرو أديب وغيرهم أنا قلدت مذيعى الإذاعة ولو هما مضايقين بعتذر عن إنه وصلهم بطريقة غلط لكن أنا فى الفيديو مغلطش فيهم ولا فى أى حد أنا بقلدهم ولو حد شاف الفيديو كامل هيعرف إنه عادي".
قال: "أنا بتكلم عن طرق الكلام فى الشارع، وطرق الكلام الغريبة وافتكرت كذا مثال، وأنا كنت بهزر وقلدت أكتر من شخص مش من الإذاعة بس".
وتابع: "بعتذر لكل اللى فهم الموضوع غلط وأنا أسف ليهم وأنا من مستمعين الإذاعة".